Posted in Musikk, Samfunn on april 19, 2009| 1 Comment »
2. vers, fritt etter Alex James/Damon Albarn
Eg er eitt år og står opp når eg vil, men på laurdag vert eg vekt av buekorps
(Parklife!)
Pappa kler på meg, gjer meg frukost, så er det ut å trille, ein ny dag er her
(Parklife!)
Eg matar duene, og har dei flaks får spurvane litt også
Det gjer meg sprett hoppande glad, å ja
(Parklife!)
Då er eg lukkeleg resten av dagen, trygg på at mamma hugsar solkrem og fleire våtserviettar neste gong
Posted in Samfunn, Tant og fjas on april 19, 2009| 2 Comments »
Nye generasjonar som veks til har gjerne sin eigen humor. For ei stund sia var det ironigenerasjonen som regjerte, men han vart fort avsett (i allefall dei medlemmene som nytta bokmål) då dei ikkje tok ironien til Kjartan Fløgstad. Her i heimen har vi sett til verda starten på ein ny generasjon, og det kan virke som det er practical jokes som er kjekkaste for tida. I samband med ein klesvask av ulike klede, mellom anna finskjorta mi som eg kjøpte på Ricco Vero i fjor sommar, hadde A putta ei appelsin inn i vaskemaskina. Appelsiner har om lag same form og storleik som desse vaskeballane som var så i vinden for nokre år sidan, men effekten er ein heilt annan.
No skal eg prøve vaske skjorta mi ein gong til, utan vaskeappelsin, og sjå om den gule påskeflekken blir borte..
Gult er kuult! (Men ikkje som vaskeball)
Posted in Samfunn, Tant og fjas on april 17, 2009| Leave a Comment »
I går var vi ein tur i parken. A og eg fekk oss frisk luft, og duene og endene fekk nokre tørre skjever. Det vart litt kamp om maten, for A ville heller ete skjevene sjølv. Men dette var jo fyrste gong, kanskje ho etter kvart skjønar at smulane skal kastast til fuglane. Vi ser vekst og framgang. Og ei ny oppføring på CV-en: Snill med dyr.
Posted in Samfunn on april 1, 2009| Leave a Comment »
.. og sånn går no dagane 