Posted in Fotografert, Observert og klypt, Samfunn on februar 28, 2008| 7 Comments »
Den nye kvardagen ™ har hardt og brutalt slått rot i heimen. Full pupp, fulle bleier og fullt sirkus. Heile natta. Aili held foreldra i full vigør, men innimellom vert det tid til å knipse nokre bilete.
Pink girl
Dagens grimase
Sinte bjørn
Lua på snei. I dag var vi på fyrste køyretur med bil og bilsete. Det gjekk bra. Ho skreik berre fram til sentrum.
Posted in Bli steinrik i ein fei!!, Fotografert, Samfunn, Tant og fjas on februar 22, 2008| 9 Comments »
I dag våga vi oss ut på glatta, for å teste vogna, og for å sjå korleis Aili likte å trille ut i blesten. I tillegg fekk vi send av garde old-school-greiene til A. Vi kledde på jenta både ullbukse og hue, men gløymde vottar.. Vi lærer kvar dag.
Nokon som gjenkjenner denne gensaren?
Med broddar og fire hjul i svingen. HMS i praksis.
Posted in Fotografert on februar 20, 2008| 7 Comments »
Det kom eit nytt objektiv i posten. Har du sett. 70mm makro med 2.8 i lysstyrke. Ser ut til å gi ganske skarpe bilete. Har dog pusha lukkartidene litt i lengste laget. Det er ganske mørkt innandørs for tida. Til og med i Helse Nord. Her kjem eit lite utval av dei siste knipsa.
Posted in Fotografert, Samfunn on februar 17, 2008| 9 Comments »
Fredag kveld vart vi ein familie! Etter ein hard fødsel kom det ei nydelig jente til verda. Vi er glade og slitne.
Posted in Observert og klypt, Samfunn, Tant og fjas on februar 11, 2008| Leave a Comment »
Nytt år og ny katalog. Lego er ein genial idé, men delen av marknadskaka vert stendig mindre. Ã…rets katalog er ikkje akkurat superambisiøs, meir eit kvileskjær. Kor tid skal vi få noko skikkelig kult? Nuvel, alt er no ikkje berre sorgen. Hugs no også på at dette vert meld av ein avdanka nostalgisk legobyggjar på 29, ikkje akkurat houvdmålgruppa til Legokonsernet. Men i og med at det er ein etterkomar rett rundt hjørnet, burde eg kanskje kikke litt nøyare på Duplo. Det har eg ikkje gjord dei andre åra. Og kor tid vil Fabuland få ein renessanse?
Allereie på side 3 har vi ein liten kontrovers. Legokonsernet har teke parti med kreasjonismen! Høyr berre kva som står om sett nr (det er Duplo dette) 5598 Dinosaurdalen: «Velkommen til dinosaurenes dal der huleboermenn og og dinosaurer lever sammen i fred og fordragelihet. (…).» Eg er usikker på om dette er noko som kjem frå Lego sentralt, eller om det er Lego Norge som har dette standpunktet.
Ja ja. Katalogen er layout-messig lik dei føregåande tre-fire åra. I det skikkelege old-school-segmentet finn vi nokre nye sett med vanlige klossar og eit «jentesett» med rosa klossar. Så blar vi over til den ganske stilige Creator-serien. Her er det ikkje mindre enn tre heilt vanlige bustadhus-sett! Dette trur eg nesten må vere rekord i Lego-samanheng. Det er også nokre nye mini-sett. I City har dei i større grad bygd opp kulisser i bakgrunnen, av varierande kvalitet. På side 30-31 er det faktisk nokre bakgrunnshus som minner om ein del svære greier slik dei gjer det på brickshelf.com. Ã…rets nye «lisens-sett» er Spongebob Squarepants og Indiana Jones. Er det nokon Hollywood-dille Lego ikkje har kasta seg på?
I Castle er det eit nytt skip og ei gruveborg. Star Wars har kome med ein TV-serie som heiter The Clone Wars og nokre nye TV-spel. Lego har difor laga nokre Legosett med seriens spaceships og greier. Elles er det mykje nytt i Racers, Ferrari og Bionicle. I Technic er det ein ganske fancy ny bulldoser med ymse motorar og fjernstyring. Elles er det ikkje mykje nytt. På dei siste sidene vert det oppmoda om å besøke nettsidene, men det er framleis ikkje mogleg å kjøpe noko i shopen.. Der er det til dømes ein modell av Millenium Falcon frå Star Wars med ikkje mindre enn 5195 legoklossar! Ny rekord?
Posted in Fotografert, Musikk, Tant og fjas on februar 9, 2008| Leave a Comment »
Medan me her nord ventar på nedkome, reiser broder Frode verda rundt med Ungdomskulen og lærer folket rock. 29. februar kjem endeleg stjerneskota til nordlysbyen, og då vonar eg å ta ein tur. Etter for eiga lomme å ha reist Amerika og Europa rundt for knappar og glansbilete, tek dei ein kvil under vengene til Rikskonsertane og svippar innom Sogndal, Alta og Trondheim, før dei tek til på ein rundtur på dei britiske øyer.
Ungdomskulen, her frå ein konsert under Festspela i Bergen 2004
Posted in Fotografert, Gastronomi, In vino veritas on februar 3, 2008| 3 Comments »
Nokre bilete frå helga.
Her frå årets confit de canard-produksjon. I år vart det 39 lår! Så det ligg an til mange gode middagar framover.
På laurdag hadde vi ein smakebit. Servert låra med trøffelaromatisert sellerpuré og andskysaus. Slett ikkje verst.
Drakk denne i helga. God vin, men eit lite trekk for manglande vulkansk mineralitet.
Såg sola for fyrste gong i år! Ingeborg til venstre.
Sørøysundet badar i blå himmel og snødekte fjell. Polarbasen til venstre.
.. og sånn går no dagane 