Feeds:
Innlegg
Kommentarar

Archive for desember 2007

So har julefreden senka seg over Rypefjord. Lang frukost etterfølgd av Tre nøtter til Askepott. Andelåra er meld og kjem på kaien på fredag, så no kan eg bli kvitt andefeittet som har teke plass i frysaren. Det er på tide med ein ny run med andeconfit. Treet er pynta og det ligg faktisk bra med gåver under..

I går var vi til kyrkje og på kyrkjekaffien helste vi på ein kar frå Sudan som, viste det seg arbeidde i ESS på Melkøya, altså ein kollega av meg, og som snakka swahili. Då var dagen redda for svigerfar. Etterpå vart det handling, og så gjekk eg på arbeid på kvelden.

Advertisements

Read Full Post »

Ã…ret begynte med fine snøtilhøve og vi fekk ein del turar i skitrekket på Prærien og på Skaidi. Det var også litt ruskever og eit par dagar eg kom nokre timar for seint til arbeid på grunn av snøstorm. I mars vart det ein tur til Oslo med konsert og restaurantbesøk. Nokre sesongar Sopranos har vi sett når det har vore ruskever ute, og når det har vore fint har eg sykla litt rundt om kring. I sommar var vi i Tokaj og Budapest, Førde, Loen, Viefjellet, Bergen, Masfjorden og Arendal. Eg er framleis på kjøkenet på Melkøya utanfor Hammerfest og Ingeborg er lærar på Fjordtun skole i Rypefjord. I år vert det jul i nord. Vi gler oss til høgtid og til barnet som er venta. Terminen er 31. januar. Det vert spanande. Er talkum inn eller
ut, no for tida?

2007 vart eit år med mykje sorg. Veslesøster Guro vart sjuk i mai, og var på sjukehuset i Førde og på Haukeland det meste av sommaren. Diagnosen var Alpers, ein sjeldan hjernesjukdom. 24 september døydde ho, med familien rundt senga på sjukehuset i Førde. Guro var ei livsglad jente som berre vart 13 år. Saknet er stort. Begge bestemødrene mine gjekk også bort i år. Mormor Sigrid Elisabeth døydde i april, 95 år gamal. Farmor Anna døydde i september, 93 år gamal.

Guro, 1994-2007

Listeoppsumering

Bøker eg har lese i år:
1964 – Ragnar Hovland
Mat og måltid – Henry Notaker
Veien ut – Bjørn Gabrielsen
Walden – Henry David Thoreau
Skrivemaskinkurs for menn – Alexander McCall Smith
Livets godteskap – Alexander McCall Smith
Apen og sjelen – Aldous Huxley
Gjensyn med vidunderlige nye verden – Aldous Huxley
Gråsoner – Arne Treholt
Internasjonalen – Gunnar Kopperud
Hellig land, evig strid? Erling Rimehaug
Det tapte landet – Göran Rosenberg
Stikk i strid – Frank Rossavik
Kollektivt selvmord – Arto Paasilinna
A life uncorked – Hugh Johnson

Minneverdige vinar:
Gattinara 2001, Travaglini
Anjou Blanc 1983, Touchais
Savigny-les-Beaunes 2004, Pavelot
Cornas 1996, Auguste Clape
Gevrey-Chambertin Clos Prieure 2001, Patrice Rion
Château du Saint-Fiacre Muscadet Sèvre et Maine sur lie Grande Cuvée Saint Hilaire 1996
Côte de Nuits-Village 2005, Patrice Rion
Argüeso Oloroso dry, Bodegas Argüeso
Ganz a’Siassa Schilcher Beerenauslese 2005, Strohmeier
Château Chantalouette 2000
Dr. Loosen Erdener Prälat Riesling Auslese Goldcapsel 1994
Tokaji Aszu 6 Puttonyos 1997, Hétszölö
Sarga Muskotaly 2006, Himesudvar
Tokaji Aszu 6 Puttonyos 2002, Himesudvar
Tokaji Furmint demi sec 2002, Úri Borok
Tokaji Cuvee Szent Tamás 2002, Úri Borok
Tokaji Aszu 6 Puttonyos 1999, Úri Borok
Tokaji Eszencia 2000, Úri Borok
Tokaji Aszu 5 Puttonyos 2000, Disznókö
Tokaji Szamorodni 2003, Istvan Szepsy
Tokaji Cuvee 2003, Istvan Szepsy
Tokaji Aszu 6 Puttonyos 2002, Istvan Szepsy
Tokaji Furmint 2003, Istvan Szepsy
Tokaji Furmint Úragya 2000, Kiralyudvar
Zeltingen Sonnenuhr Riesling Auslese** 1990, Markus Molitor
Chateau Musar 1999
Chateauneuf-du-Pape 2001, Feraud-Brunel
Tokaji Aszu 5 Puttonyos 1995
Hugel Gentil 2005

Filmar eg har sett i år:
Music and lyrics
De andres liv
Vanilla sky
Good night and good luck
Simpsons the movie
Spiderman 3
Harry Potter og Føniksordenen
300
Gudfaren 1
Gudfaren 2
Gudfaren 3
Switch
The Bourne Ultimatum

Konsertar:
Hoppalong Knut
Ungdomskulen
Wolfmother
Jan Eggum og Tonje Unstad
Ai Phenix

Tal diasfilmar teke i år: ca 10
Tal svart-kvitfilmar teke i år: 0
Vart dette året eg gjekk over til digitalt? Ja

Hmm.. dette julebrevet minner svært om dei som far min plar skrive, bortsett frå det med vinen og kanskje eit par av konsertane..

Read Full Post »

Siste indre

I dag tok eg meg i å sjå kva type barnevogn ei jente som trilla forbi meg hadde.

Read Full Post »

Uskarp, kald og ikkje i vater. Bilete er teke fyrste desember kvart på elleve. Det kompensert +1 EV. Såpass kompensasjon må vi unne oss her nord på denne tida. Lysare blei det ikkje den dagen. Korkje med eller utan kompensasjon.

Og ja, eg er han fyren om lag midt på bilete i raud jakke som har gøymd å flytte fokuspunkt..

Read Full Post »

I dag om lag klokka ti over eitt, var det slik farge på himmelen i sør, aust for Håja. Og det minte meg om denne ravfarga vinen som eg vonar det vert smakt litt på i jula. Akkurat denne flaska vert nok liggjande nokre år til, det er ein 6 puttonyos 2002 frå Istvan Szepsy, og ho vert nok ikkje knekt før det kjem ein stor dag.

Read Full Post »