Feeds:
Innlegg
Kommentarar

Archive for desember 2006

Ã…ret starta med stormen/orkanen Narve og det vart litt action her i vestfylket. Bussane gjekk ikkje på mange dagar og Ingeborg kom seg ikkje på arbeid på ei heil veke. Vi hadde ein fin tur i bakken i Rafsbotn med Gunnhild og Bjørnar og vi vitja Ã…got i Tromsø. Det har også vore fine skiturar til Tinnstua ved Vassbuktvatnet, Rundvanshytta og Montenegrohytta. Vi spelte ein del innebandy i gymsalen på sjukepleierhøgskolen på våren, medan eg litt seinare byrja på Herretrimmen på Baksalen. Frå april til august jobba eg litt på bakeriet i tilleg til på Rica. 1. oktober byrja eg i ny jobb i kantina på administrasjonsbygget på Melkøya. Eg har også byrja som støttekontakt i kommunen. Eg har altså tent heile fem ulike arbeidsgjevarar dette året, noko som er rekord for min del. Sommaren var ikkje særleg fin her nord, men i slutten av juli tok eg ferie og reiste etter kona som var på hytta i Arendal. Ei fin avslappa veke der med bading og is, før vi reiste til Sogndal og hytta. Der fekk vi med oss ein flott tur til Fuglesteg over Fortun innst i Sognefjorden. Det var mykje slekt og godtfolk med i alle aldrar. Det vart nokre fine dagar i Førde også med bading på Langeland og i Erdalen. Vi reiste ein tur til Masfjorden, der vi fiska litt og slappa av på svaberga. Vi svippa innom Bergen og fekk treffe gamle kjende. Så reiste eg og nokre kameratar til Voss og årets vinoppleving. Så bar det til Oslo og Øyafestivalen med mykje god musikk, men ikkje alltid like godt ver. Hausten har vore travel nok. Ingeborg har hatt suksess med oppstart av Friskis&Svettis. Sjå i arkivet om du ønskjer å sjå meir detaljert om kva som skjedde i år.

Listeoppsummering:

Bøker eg hugsar å ha lese i år:
Trynefaktoren – Torgrim Eggen
Den Uendelige Historie II – Michael Ende
Tyl – Finn Tokvam og Halvor Folgerø
Ut og stjæle hester – Per Petterson
Cooking for kings, the life of Marie-Antoine Car̻me РIan Kelley
Under brua – Marita Liabø
Doppler – Erlend Loe
Volvo Lastvagnar – Erlend Loe
Gymnaslærer Pedersens beretning om den store politiske vekkelse som har hjemsøkt vårt land – Dag Solstad
Mao min Mao – Hans Petter Sjøli
Humlehonning – Torgny Lindgren
Lyset – Torgny Lindgren
Fer-de-lance – Rex Stout
Snø vil falle over snø som har falt – Levi Henriksen
Modellen – Lars Saabye Christensen
Få meg på for faen – Olaug Nilssen
Gunnar Staalesen – Dødens drabanter
Flytande bjørn – Frode Grytten
Hugo – Simen Sætre
Escoffier, the king of chefs – Kenneth James
Damenes Detektivbyrå nr.1 – Alexander McCall Smith
Sjiraffens tårer – Alexander McCall Smith
Moral for vakre piker – Alexander McCall Smith

Fine filmar eg har sett på kino eller DVD:
Pingvinenes marsj
Oljeberget
Tilbake
Delicatessen
Kim Novak badet aldri i Genesaretssjøen
Cars
Volver
München

Teater:
Brand (Grimstad)
Falne engler (DNS)

Konsertar:
Madrugada (Hammerfest)
Iver Kleive, Knut Reiersrud og Vokal Nord (Tromsø)
Sondre Lerche og Bo Kaspers Orkester (Arendal)
!!! (Øya)
Motorpsycho (Øya)
Morrissey (Øya)
Dumdum Boys (Øya)
Marit Larsen (Øya)
Datarock (Øya)
Black Debatt (Øya)

Minnerike vinopplevingar:
Domini Veneti Amarone 2001
Duplessis Chablis 1. cru Montmains 1998
Disznókö Tokaji Aszu 5 Puttonyos 1988
Moulin Touchais 1989
Mugnier Chambolle-Musigny 2003
Saint-Aubin 1999
Gevrey-Chambertin En Songe 2001
Chablis Vaillon VV 1995, Jean Dauvissat
Morey-Saint-Denis 1. cru Clos de la Boussier 1999
Nuits-Saint-George 1. cru Les Argilliers 1989
Chateau Bastor Lamontagne 1990
Corte Giara Recioto della Valpolicella 2004
Arnoux Bourgogne Pinot Fin 2004
Henriques & Henriques Malmsey 10 years old

Tal diasfilmar eg har teke i år: ca 12
Tal svart/kvit-filmar eg har teke i år: 0

Advertisements

Read Full Post »

I det kalde nord kan det å snakke i mobiltelefon utandørs vere ei kald oppleving, spesielt for den handa som held telefonen. Ein trådlaus handsfree til feste på øyret er kanskje løysinga? Det ser noko rart ut, men om nokre år vert det vel heilt vanlig å gå rundt med ein propp i øyret og prate med seg sjølv.

Read Full Post »

Eg har så smått byrja å klatre i klatreklubben her i byen. Det er kjekt og utfordrande og eg er framleis på eit lågt nivå. Men med eit par klatresko vil eg merkje stor framgang, seier dei som kan det. Hint hint.

Read Full Post »

Det har kome ut eit praktverk om Vestlandet, kalla Vestlandets historie 1-3. Knut Helle er hovudredaktør og verket er kome ut på forlaget Vigmostad og Bjørke. Kåre Lunden melder i Dag og Tid om flotte bilete og illustrasjonar, men for lite politisk sprengkraft. Så er det kanskje ikkje dette bokverket som får Vestlandet til å ta det fyrste steget mot lausriving, Visekongen av Fusa har dessutan abdisert, men flott er det nok okke som.

Read Full Post »

Dyret

Eg oppdaga akkurat at spam-boksen min hadde 666 meldingar..

Read Full Post »

Eg burde ha kome i gang med skanning av ein del ljosbilete frå vårt rike liv her nord, men eg driv og les ein biografi om Auguste Escoffier, legendarisk frank kokk som levde frå 1846 til 1935. Elles så driv eg å kvernar på noko nytt materiale frå Rypefjord Spam Production og så er det kvardagens mas og kjas som lurer meg vekk frå ventande oppgåver.

Det er berre å beklage.

Read Full Post »

« Newer Posts