Feeds:
Innlegg
Kommentarar

Archive for oktober 2006

Dagens ord

I dag høyrde eg eit ord som eg ikkje kan seie å ha høyrd på lengje. Ordet i dag er altså; maroder. (som fort kan bli morgondagens ord også, om det vert for mykje kamikaze..)

Eg saksar frå Språkspalten, NRK:

«Maroder» betyr syk, utmattet, avkreftet, arbeidsufør o.l. Det brukes ikke mye i dag, og det har vært mer i bruk i Nord-Norge enn lenger sør i landet.
Ordet er en avledning av fransk «marode», som betydde skurk. Av dette avledet man videre «marodeur», som betydde en plyndrende soldat – han spilte gjerne syk, slik at han kunne stikke seg bort fra de andre og drive sin plyndringsvirksomhet.
Til Norge er uttrykket «maroder» kommet via tysk. I svensk brukes ordet «marodør» omtrent på samme måten som det tilsvarende franske den dag i dag, trolig kommet inn via den svenske adelen.

Advertisements

Read Full Post »

Ja, aleine heime og litt keisamt. Så kvifor ikkje freshe opp dagen med ein drink? Ok, eg kan kome på ein del grunnar til å halde seg unna alkohol midt i veka, men no set vi i gang. Eg tenkte at det må gå an å lage ein drink av det som fint i huset. Eg søkte då litt på nettet etter oppskrifter på drinkar. Det eg hadde i hus som kunne bli til ein drink var; vodka, rom, cointreau, noilly prat, sukker, salt, appelsinjus, sitron og lime. Det var ikkje så lett å finne noko men lagnadens ironi ville det slik at eg hamna på drinken Kamikaze. Den vart konsumert ein gong i sommar etter eit betre måltid Voss. Ikkje alle var samde om at det var ein fortreffeleg drink. He he..

Oppskrift:

2 cl cointreau
1 cl sitronsaft
4 cl vodka

Rist med is og server i cocktailglas. Garner med limeskive.

Eg hadde ikkje is.. så eg sette glaset i kjøleskåpet. Dette er ein drink med relativt mykje alkohol så den treng nok å serverast kald for å bli frisk nok.

Følg med: Kva vert neste crazy påfunn på denne bloggen? Krimnovelle? Ein biletserie frå sumaren 2006? Eit innlegg om hagedrift? Den som har lever får sjå.

* Grunnen til at «drink» er skrive i gåseteikn er ikkje at dette ikkje er ein ekte drink, men at eg er litt framand med konseptet drink og difor har ein ironisk distanse til heile prosjektet.

Read Full Post »

Etisk rekneskap

Just som man tror allt har ordnat sig, vill man vara gladare

Frå Dur och moll omvarannat, Bob Hund II, 1994

Eg har som nokre har fått med seg, byrja i ny jobb. Som kokk på kantina på administrasjonsbygget på Melkøya, for tida drive av Serveringspartner. Det er fint og det vert ikkje spart på så veldig mykje. Men rikdomen har sin grunn og sin pris. Det heile er basert på fossile brennstoff eller produktet LNG som «gullet» heiter her i byen. Og det er også bygd eit gasskraftverk i tilknytning til fabrikken for forsyne han med kraft. På same tid er også den raudgrøne regjeringa i hardt ver på grunn av eit gasskraftverk som ikkje får CO2-reinsing før etter minst fire års drift. Dette var jo ikkje heilt etter Soria Moria-planen. Det er altså fleire som er ute på tynn is i høve til dei etiske og programfesta meiningane om miljøvern.

Eg veit ikkje korleis SV må betale for sine kompromis, men eg så på min siste lønslipp at lønskontoret hadde trekt skatt av feriepengane mine.

Read Full Post »

Klypte håret mitt på torsdag, sjølv altså. (Det visste du ikkje I.) Nuvel, eg brukte maskin og det stikk vel ut litt tustar her og der, men er i grunn nøgd med resultatet.

Dagens låt: Almost cut my hair – CSNY

Read Full Post »

Det var to tunge konvoluttar i postkassa i dag. Beggje frå Norsk Jernbaneklubb. Gode minner strøymde på frå den tida eg dreiv og vog posten vi fekk. No har det enno ikkje vorte publisert nokre tal og statistikk frå det prosjektet, men det vil kome! Og dagens fangst var, hald dykk fast, 1167 g post! Ein pen sum gram der alstå. No har eg fire nummer av På Sporet, Norsk Jernbaneklubb sitt fjonge medlemsblad, å kose meg med.

Read Full Post »

Kanelbullens dag

I dag feirar dei kanelbullens dag i vårt naboland Sverige. Dette har pågått sidan 1999 og det var Kaeth Gardestedt og Hembakningsrådet som tok initiativet. Dagen står vistnok nemd i fleire almanakkar men har førebels ikkje spreidd seg utanfor Sveriges grenser. Vi her i heimen gjer vårt beste for at denne dagen også skal få fotfeste i Noreg. Kona har no sett ein deig for at vi skal få oss kanelknutar til kveldsmat. Denne postinga kom kanskje litt for seint til at de lesarar får sett i gong med bakinga, men de kan i allefall skrive det opp i almanakken slik at de hugsar det til neste år.

Det er visst litt språksprid omkring bullen, men det skal visst vere kanelbulle på rikssvenska, sjølv om bakverket også går under namnet kanelsnäcka og kanelsnurror. Nokre er kanskje kjend med det halvtørre bakverket kanelgiflar, som er å få kjøpt i butikkar i Noreg. Eg veit ikkje om dette er utanfor kategorien eller om det går an å bake giflar og framleis halde dagen heilag. Dette får eg finne ut til ein annan gong. Eg kjenner nokre svenskar som kanskje veit svaret.

Read Full Post »

2 år

Det er oktober og bloggen er no to år gamal. Vi feirar dagen her i Hammerfest med viltmiddag og vin. Reinsdyrfilet med søtpotetpuré, steikt sopp og sjysaus med rosin. Vi fleskar til med ein portugisisk vin frå Dão og Álvaro Castro til maten. Øystein har teke seg fri frå jobben og har kome frå Oslo. Sjokoladefondant og madeira til dessert. Vi har spela Carcasonne og eg vann ikkje i dag heller.. Må leggje meg i hardtrening. Slik held ikkje. Må vinne, må vinne!

Read Full Post »