Feeds:
Innlegg
Kommentarar

Archive for september 2006

Confit de canard – endelig!

Ja, så var dagen komen og eg har gjord ferdig andeconfiten. Etter å ha skylt vekk salt og krydder og kokt ut feittet som kom frå Tromsø denne veka, stod andelåra i omnen i om lag åtte timar ved ca 90 grader.

Andelår med grovsalt og knust nellik, anis og svart pepar.

Låra har kokt i timesvis

Rottelik på sprit? Nei, andelår på feitt!

Advertisements

Read Full Post »

Ny lenkje

Sjekk ut Norsk Bane, dette kan vere måten å reise på i framtida, i allefall sørpå. Mange gode argument og sida er også på nynorsk!

Read Full Post »

Vêret..

Og til dykk der på vestlandet med sumartemperatur og sol og greier; no haglar det her i Hammerfest og det er 1,1 grader! Trur eg set på omnen..

Read Full Post »

Andefeitt II

No er andelåra og andefeittet i hus og ligg til tining. Så på fredag startar truleg confit-makeriet. Endeleg! Vonar eg har nok glas og stor nok eldfast form..

Read Full Post »

Cognac i posten/Hamskifte

For ei god stund sida tinga eg ny bunad til mitt Nikon FA med MD-12 motor frå Morgan Sparks. Det har teke si tid, men i dag låg det ein brun konvolutt frå Amerika i postkassa.

Originalt kamera frå 1984 i sylv og svart

Her er skinnet på baksida fjerna

Av med gamalt, litt nytt er på veg

Ah.. Cognac Lizard skin er på plass!

Motoren MD-12 har også fornya seg. Med store flater var det så vidt Morgan hadde nok skinn til heile motoren.

Read Full Post »

Sørøya nord

I helga skulle eg endeleg få stige i land på Noreg si tredje største øy, Sørøya, den nordligaste delen av Hammerfest kommune. Kona og eg pakka ned klede og mat for ei helg og Gunnhild og Bjørnar kom like godt budd frå Alta. Frå Akkarfjord gjekk vi mot vest og gjennom Eidet til Storsanden, ei riktig så fin strand i Finnvika. Teltpluggar og bardunar vart slått ned ved Finnvikvatnet og neste dag kunne vi springe ned Sandfjellet på veg mot Gamvikvatnet der vi hadde tenkt å telte. Vi tok så turen til om Vassviknæringen til Kjøttvikvarden heilt på nordspissen av øya. Der fekk vi skrive oss i bok og karane gjekk attende til Gamvikvatnet for å fiske medan kvinnene sanka bær. Vi hadde mykje forskjellig vêr, men mest fint. På sundagen starta jakta og nokre vakna av ivrige jægarar som var ute med hagla klokka halv fire på morgonkvisten.

Det vart frå mi side skote med Nikon og Provia 100, så dersom eg får skanna litt så vert det vel bilete frå turen etterkvart.

Read Full Post »