i gamle dagar, då..

«Kva gjorde gutar før internett?» spurde Arild her ein dag. Vi prata over det internettbaserte telefonprogrammet Skype. Tja, kva gjorde vi? For det fyrste så kom jo internett snikande for om lag åtte-ti år sidan. Eg hugsar ikkje nøyaktig, men eg veit det var nede hjå Arild at eg fyrste gongen fekk kjennskap til dette. Sommaren 98 tinga eg eit fotoapparat (Lomo LC-A) frå Wien i Austerrike via internett og fekk det send til Besserud Postkontor, som på den tida var min næraste postfilial.

Men rett før internett, fram til midten av nittitalet, då fiska eg. Hadde mast meg til ei billeg flugestong frå ABU Garcia. Med snelle og snøre og fortom og etter kvart flugebindarsett. Batt fluger etter oppskrift og eige hovud. Kasta og øvde i Dalavatnet. Fekk ikkje så mykje. Var uansett mest kattefisk i Dalavatnet.

Elles var det fotball, volleyball og vanlege sysler. Nokre hadde tevespel og video. Men no er det heilt utenkjeleg med eit liv utan eksibisjonistiske bloggar eller stadige kjøp av anakronistiske fotoapparat frå Ebay.

Reklame

Read Full Post »

Citus Altius Fortius

Eg kom meg over dørstokkmila her på tysdag, og fekk montert ein Sigma Sport sykkelcomputer på sykkelen. Dagen etter kunne eg lukkeleg følgje med på farten ned Klinkastupet mot Hammerfest sentrum, og eg kom akkurat opp i 60 km/t før det flata ut. Eg gler med til å ta ein tur opp på Tjuven og teste farten ned grusvegen. He he!

I går var vi med den lokale turgruppa på tur til Rickardvann i vakkert ver. Det vaka mykje i vatnet og eg fekk lyst til å ta opp att flugefiskinga.

Read Full Post »

Pakke i posten! Le Demi est arrivée! (Halvparten har kome!)

Ah, mitt fyrste kjøp på den o store marknadsplassen Ebay ™! Eg har vore litt skeptisk til å handle der, men no har eg fått det eg ba om og det ser bra ut. Er usikker om det funkar, men det er ikkje så viktig.

Planen var å kjøpe noko skinn i fine fargar å setje på.

Read Full Post »

med sol og motvind opp Klinkastupet..

Ein fin dag på jobb, men litt uvanleg. Var med ein gjeng som skulle ha oljevernberedskapsøving nord på Rolvsøy, med båten Maursund. Dei måtte også ha mat og eg hadde med store mengder fiskesuppe, brød og frukt pluss utstyr. Det vart mykje bering av og på ymse båtar før fiskesuppa kom på det rette kjøkenet. Men så var det plankekøyring og sol og fint på fjorden resten av dagen. Folket fekk suppe og brus mellom øktene og eg kunne slappe av på dekk med lett kokkeuniform i sola, medan oljevernsfolk drog på lenser og banna i varme kjeledressar.

Då eg kom attende vart det ein kopp kaffi med mine kollegaer, før eg kunne sykle heim i fint ver, men motvind. Og alle var samde om at det hadde vore ein gild tur.

Read Full Post »

Handletur og matauk

På onsdag kjøpte vi oss ein bil. I dag ville vi ta ein tur med han. Som så mange andre her i Hammerfest, så reiste vi til Alta for å handle. Alta er handelssentrumet i Finnmark. Hammerfest har kanskje mest gass og dei dyraste husprisane, men det er ikkje mykje handel og vandel. Vi fekk med oss ein DVD-spelar, ein sykkelhjelm, eit par aviser og ei flaske Wehlener Sonnenuhr Kabinett 2004 frå Dr. Loosen. På vegen attende stoppa vi for å plukke molter på det vidgjetne Sennalandet.

«There is no such thing as a free lunch», er det visst noko som heiter. Slik er det også på vidda. Der er ein ikkje lenger øvst på næringskjeda. Der er det myggen som regjerer. Vi fekk med oss 381 gram molter. Det var om lag 100 stykker. Like mange som eg hadde myggstikk på høgrehanda…

Ved Kvalsund bru stoppa vi for å fiske. Det har vi hatt suksess med før, men i dag hadde vi konkurranse frå åtte-ti andre sportsfiskarar og ein trålar.

Vi fekk alikevel med oss seks fine sei som skal verte fiskekaker ein dag.

Read Full Post »

180 millionar år gamal østers

Det finst mykje spanande vin rundt om. Og kvalitetsvin er diverre relativt dyrt. Chablis er eit slags untak. Sjølvsagt er det mogleg å betale over 500 kroner for dei beste flaskene, men det finst mykje bra i prisklassen opp til 230 kroner. Det har vore nokre gode årgangar i det siste (2002, 2000, 1999, 1996) og ein del flasker kan godt liggje nokre år før dei når toppen. Eg har ikkje vore så interessert i dette området før i det siste, men det er truleg værd å kike litt nærare på desse mineralske og syrlege vinane frå chardonnaydrua.

Chablis høyrer til Burgund-distriktet i Frankrike, men ligg for seg sjølv litt lenger mot nordvest. Dei fleste gjærar på ståltankar for å bevare syra og det mineralske preget som kjem frå det spesielle kimmeridgekalkjorda. Denne kalkrike jorda kjem av fossil frå til dømes østers som levde i området då det låg under vatn for om lag 180 millionar år sidan.

Glasprodusenten Riedel har eit eige Chablisglas som viser vinens sitt potensiale.
Chablis høver godt til skaldyr og lette fiskerettar.

Read Full Post »

Eg dreg ikkje, eg blir

Det ser ut til at det er noko problemer med å få kommentert her på sida, men ha tol, det vert nok ei ordning på den saka òg. Hugs at Rom vart ikkje bygd på ein dag, men seinare så fekk dei alle vegar til å gå i den retninga. Dersom det ikkje vert rom for å få dette ut att i rom sjø, så skal det nok stå to rom og cola når vi kjem i land. Vert det romsligare no, så vert det vel ein roman!
God natt.

Read Full Post »

3 Bøker

Eg fekk altså lese ut tre bøker medan eg venta på flyttelasset. Farlig godt av Torgrim Eggen og Jan Omdahl er ei bok om gode råvarer frå heile verda. Til dømes Parmaskinke, trøfflar, vanilje, sjokolade, Roqefort, Chateau Yquem og gåselever. Ei bok som er litt dum å lese når ein er utan kjøkenremedier til å lage mat, og utan Riedelglas til å drikke vin frå. Ekstremt høgt og utrolig nært av Jonathan Safran Foer var slett ikkje verst, men levde kanskje ikkje heilt opp til dei bokmeldingane eg hadde lese. Dette er Cuba, alt annet er løgn var lærerik og eg fekk litt historietime sett frå denne øya borte i karibien. Det var interessant å sjå at også Noreg var med i spelet. Det er vel ikkje til å undrast over at når ein produserer våpen, så vert det av og til litt skit å spa.
Eg kan tilrå desse tre ulike bøkene for alle som er opptekne av litt ulike saker. Slik som livet er fullt av.

Read Full Post »