Var på kino og såg ein festivalfilm i dag. The revolution will not be televised. Om kuppet i Venezuela april 2002 mot president Hugo Chavez. Eit irsk tv-team var på plass for å lage dokumentar om president Chavez då dei fekk orkesterplass til det fjernsynsregiserte kuppet leia av den rike høgresida i landet. For de som er i Bergen og er interesserte i media og demokrati, så er det berre å springe og sjå. Smakte eit par av sjokoladane frå London i dag. Mangaro Lait frå Michel Cluizel. Dette er ein mjølkesjokolade med 50% kakaoinnhald frå Madagaskar. Mmm. Så var det Jamaica 70% frå gutta frå California (Scharffen Berger). Dette er grovkverna kakaoaønner, sukker og vanilje slik dei gjorde det i gamle dagar. Knaskigt og godt. Ei aning alkohol og som dei andre Scharffen Bergers; tre og tobakk.
4 gram post og ein mail. Nakkekotelettar og ratatuille til middag.
.. og sånn går no dagane 
Heia Hugo! Han har noko for seg den mannen der, ja. Eg har høyrt at dei har mange flotte firefelts motorvegar i Venezuela, muligens fordi dei 80 rikingane skal kunne kappkøyre til Angel Falls med sine lettkledde sportbilar.
Ja, Venezuela er sanneleg eit interessant land. Venleikstevlingar, olje, rom og den beste kakaoen i verda. Dei vann 3-1 over Ecuador i VM-kvalik og forresten.
Eg trur den dokumentaren kanskje er den same som eg såg på utsyn på NRK tidlegare i år, og den var knakande god. Eg må få gje deg eit BIFF-tips med det same: Old Boy er ein fantastisk valdsfilm frå Sør-Korea. Siste sjanse er seint søndag kveld. Sjå den!!